2014-07-10 20:04

თუ თქვენ გსურთ, რომ კვლავ საბოტაჟის მსხვერპლი გახდეთ, მაშინ ხმა მიეცით ნიკა მელიას. თუ გსურთ, რომ უნდა მისცეთ ხმა განვითარებას, უნდა მისცეთ ხმა დავით ნარმანიას , - განაცხადა საქართველოს პრემიერ-მინისტრმა ირაკლი ღარიბაშვილმა.

ირაკლი ღარიბაშვილი დარწმუნებულია, რომ მეორე ტურში ყველგან კოალიცია "ქართული ოცნების" კანდიდატები გაიმარჯვებენ, რადგან მათ უბრალოდ ვერ გადალახეს პირველ ტურში 50%-იანი ბარიერები, რომელიც მისი თქმით, მისივე პირადი ინიციატივით დაწესდა.

პრემიერი ასევე გამოეხმაურა გუშინ კოალიცია "ქართული ოცნების" თბილისის მერობის კანდიდატის, დავით ნარმანიას და "ნაციონალური მოძრაობის" მერობის კანდიდატის, ნიკა მელიას დებატებს.

"მიმაჩნია, რომ ნარმანიამ ღირსეულად დაამარცხა თავისი კონკურენტი, ამ შემთხვევაში, სამწუხაროდ, ისევ მელია. თუმცა მიმაჩნია, რომ არავითარი პრობლემა არ იქნება. ჩვენ, გასულ წელს ძალიან რთული კოჰაბიტაციის პერიოდი გავიარეთ, ძალიან კარგად გვახსოვს, მით უმეტეს, თბილისის მცხოვრებლებს, თუ როგორ მიზანმიმართულ საბოტაჟურ პოლიტიკას ახორციელებდა ყოფილი მერი გიგი უგულავა და მის დაქვემდებარებაში არსებული სამსახურები", - განაცხადა ირაკლი ღარიბაშვილმა.