ჯემალ დუაძე და „სახალხო კრების“ წევრი დავით ლორია აცხადებდნენ, რომ „ნაციონალური მოძრაობის“ წევრებს ამომრჩეველთან შეხვედრის მორალური უფლება არ აქვთ. დაპირისპირება დაახლოებით 10 წუთი გაგრძელდა.
„ნამდვილად ვერ გეტყვით ვინ იყო ეს ხალხი, მაგრამ ისინი ფაქტობრივად მოსულები იყვნენ, რომ აერიათ. ბავშვები არიან, ქალბატონები არიან, შეხვედრაა. ჰაბიტუსიდან, კუნთების დიამეტრიდან თუ ვიმსჯელებთ, ეს ხალხი ხელისუფლების მიერ არის მოგზავნილი.
თუ ვიმსჯელებთ იმით, რომ ნახევარი საათია ქალაქის ცენტრში მიმდინარეობს შეხლა-შემოხლა და თავდასხმა მშვიდობიან მოსახლეობაზე და ვხედავთ, რომ ქალბატონებს და ბავშვებსაც მიაყენეს შეურაცხყოფა, ერთ ფორმიან პოლიციელსაც ვერ ვხედავთ აქ. შესაბამისად, დასკვნა მოსახლეობამ უნდა გამოიტანოს", - თქვა უგულავამ.
გიგა ბოკერიას განცხადებით, არ აქვს ილუზია, რომ ივანიშვილი-ღარიბაშვილის პოლიტიკურ გუნდს შეცვლიან, მაგრამ უნდა ვაიძულოთ, რომ ნაკლები ზიანი მოიტანონ და რაღაცა მაინც გააკეთონ - გაჩერებულია მთელი ქვეყანა, კრიმინალი და უმუშევრობა იზრდება, ბიუჯეტი გაირღვა.
„ამას ყველაფერს უნდა გავუგზავნოთ ძალიან ძლიერი სიგნალი - შენჯღრევის. არავის დავიწყნია მათი დაპირებები და არავინ აპირებს, რომ მოუწონოს მათ სიზარმაცე, უნიათობა, კინკლაობა და პოლიტიკური ბოღმის ნთხევა. თუ ეს სიგნალი მათ არ მიიღეს, ჩვენ უფრო მეტ ზიანს მივიღებთ", - აღნიშნა მან.
