2015-12-24 23:24

ირაკლი ღარიბაშვილი პარტია "ქართული ოცნების" თავმჯდომარის პოსტსაც ტოვებს. როგორც "ინტერპრესნიუსს" ინფორმირებულმა წყარომ აცნობა, ღარიბაშვილი პარტიის თავმჯდომარედ არ დარჩება.

წყარო ასევე გამორიცხავს, ყოფილი პრემიერის მიერ "ქართული ოცნების" საარჩევნო სიის ხელმძღვანელობას და ამასთან დაკავშირებით განმარტავს, რომ საარჩევნო სიის სათავეში ყოფნა მის პრემიერ-მინისტრობას ხელს არ უშლიდა.

ირაკლი ღარიბაშვილმა გუშინ პრემიერ-მინისტრის თანამდებობის დატოვების თაობაზე განაცხადა. მისი გადადგომით უფლებამოსილება მთელ მთავრობას შეუწყდა.

წყარო: ინტერპრესნიუსი