2015-12-15 03:48

"უკრაინსკაია პრავდას" წარმომადგენელი, ცნობილი უკრაინელი ჟურნალისტი ოლეგ ლეშენკო წერს, რომ კიევში, რეფორმების საბჭოს სხდომაზე შს მინისტრმა არსენ ავაკოვმა მიხეილ სააკაშვილს ჭიქა ესროლა, ხოლო პრემიერმა არსენ იაცენუკმა მოსთხოვა, ქვეყანა დაეტოვებინა. 

ჟურნალისტის თქმით, ინციდენტი მაშინ მოხდა, როცა სააკაშვილმა წარმოადგინა მოხსენება სახელმწიფო საწარმოების გაყიდვის შესახებ, რაზეც ავაკოვმა შენიშვნა გამოთქვა, რომ სააკაშვილის დღევანდელი გამოსვლა ნაკლებად "მწველია", ვიდრე ტელევიზიებით გამოსვლისას. დაწყებულ დავაში სააკაშვილმა ავაკოვი კორუფციაში დაადანაშაულა, ავაკოვმა კი მას სახეში ჭიქა ესროლა.

თავად ავაკოვი წერს, რომ მან სააკაშვილს სახეში წყალი შეასხა და ვიდეომასალის გასაჯაროვებას ითხოვს. სხდომას პრეზიდენტის ადმინისტრაციის სამი კამერა იღებდა. ვიდეომასალის სრული ჩანაწერის გასაჯაროვებას ითხოვს მიხეილ სააკაშვილიც, რომელმაც უკვე ჩაატარა პირველი პრესკონფერენცია მომხდარი ინციდენტის შემდეგ.