2015-12-06 00:26

ყოფილი აშშ-ის სენატორი რიჩარდ ლუგარი "ამერიკის ხმის" ქართულ რედაქციასთან საუბარში ამბობს, რომ ბოლო დროს და, განსაკუთრებით მას შემდეგ, რაც ქვეყანა ყოფილმა პრეზიდენტმა სააკაშვილმა დატოვა, ნატოში ქვეყნის გაწევრიანებისადმი მხარდაჭერა შემცირებულია. 

"მას შემდეგ, რაც ქვეყანა ყოფილმა პრეზიდენტმა - სააკაშვილმა დატოვა, საქართველოს ნატოში გაწევრიანებისადმი მხარდაჭერა შემცირდა, შესაძლოა იმიტომ რომ შემცირდა ამერიკასთან კავშირები.

ეს ქართველებისთვის სამწუხაროა, ქვეყანას საკმაოდ წარმატებულად მართავენ, მაგრამ რუსეთის მხრიდან დიდი წნეხის ქვეშ არიან, გეოგრაფიული მდებარეობის გათვალისწინებით მათ დიდი პრობლემები აქვთ და ყოველთვის ექნებათ.

შესაძლოა, საქართველოში პოლიტიკა ნატოსთან უფრო მყარი კავშირებისკენ ისევ შეიცვალოს, მაგრამ ეს აქამდე ბევრი მიზეზის გამო არ მომხდარა", - განაცხადა ლუგარმა.