2015-11-05 22:18

რუსული პროპაგანდისტული მანქანა ახალ შეტევას გეგმავს ოდესის გუბერნატორზე და ვიცე გუბერნატორზე. ტელეკომპანია „ნტვ“ 7 ნოემბერს, პროგრამაში „ახალი რუსული სენსაციები“ მარია გაიდარის მონაწილეობით ახალ სკანდალს აანონსებს.

შეგახსენებთ, „ახალი რუსული სენსაციების“ პირველი გადაცემა მიხეილ სააკაშვილსა და თითქოსდა მასთან სექსუალურ კავშირში მყოფ ტრანსგენდერზე მომზადდა და მისი დასათაურება იყო „სააკაშვილის ქალები“. გადაცემაში ნინო ბურჯანაძე მონაწილეობდა.
ამჟამად საუბარია თითქოსდა კონგოში მომხდარ სკანდალზე, სადაც ერთერთი ოჯახი მარია გაიდარს მათი შვილის მოტაცებაში ადანასაულებს:

„ყურადღება: საერთაშორისო ძებნა! კონგოელი გოგონას მშობლები მარია გაიდარს მათი შვილის მოტაცებაში ადანაშაულებენ. სააკაშვილის ფავორიტის ცხოვრებიდან ამ დაუჯერებელი დრამის დეტალები ნახეთ 7 ნოემბერს, გადაცემაში „ახალი რუსული სენსაციები“, - ნათქვამია ანონსში, რომელიც „ნტვ“-ს ეთერში უკვე ტრიალებს.