2015-11-05 22:10

ოდესის საოლქო ადმინისტრაციის ხელმძღვანელი, საქართველოს მესამე პრეზიდენტი მიხეილ სააკაშვილი აცხადებს, რომ მას უკრაინის პრემიერმინისტრის თანამდებობაზე არანაირი შეთავაზება არ მიუღია.

მანამდე მედიაში გავრცელდა ინფორმაცია, რომ სააკაშვილმა, უპასუხა რა გამოცემა „პოლიტიკოს“ ჟურნალისტის შეკითხვას, მზადყოფნა გამოთქვა პრემიერის პოსტის დასაკავებლად., რათა „ევროპაში კრემლის ექსპანსიონიზმი“ შეაჩეროს.

„სპეკულაციის თავიდან ასარიდებლად: მე არასდროს მითქვამს ამ ან სხვა ნებისმიერი ჟურნალისტისთვის, რომ მზად ვარ გავხდე უკრაინის პრემიერმინისტრი. მე არ მქონია არც შეთავაზება და არც სურვილი, ამ პოზიციაზე გადასასვლელად“, - დაწერა სააკაშვილმა თავის ოფიციალურ გვერდზე „ფეისბუქში“.

მანამდე უკრაინის პრეზიდენტის ვებგვერდზე მოქალაქეებმა პეტიციის ხელმოწერა დაიწყეს, სადაც პრემიერმინისტრად მიხეილ სააკაშვილის დანიშვნას ითხოვდნენ. „სააკაშვილი კარგი პრემიერმინისტრი იქნება საქართველოში“, - ასეთი კომენტარი გააკეთა მაშინ პრეზიდენტმა პოროშენკომ.