2015-11-04 21:29

საქართველოს განათლების ყოფილი მინისტრი ხატია დეკანოიძე უკრაინაში ეროვნულ პოლიციას უხელმძღვანელებს: მთავრობამ დააკმაყოფილა შს მინისტრის არსენ ავაკოვის წინადადება. 

ხატია დეკანოიძე აგვისტოში უკრაინის პრეზიდენტის ბრძანებულებით შექმნილ სტრუქტურას ჩაუდგება სათავეში. ეროვნულ პოლიციაში ავტომატურად გადადიან მხოლოდ ის საპატრულო სამმართველოები, რომლებმაც კიევში, ხარკოვში, ლვოვსა და ოდესაში ხელახალი ატესტაცია გაიარეს. ატესტაციის საყოველთაო ეტაპი 7 ნოემბრიდან დაიწყება.

"ჩემთვის დიდი პატივია, ვიყო ეროვნული პოლიციის უფროსი. მე მიყვარს უკრაინა, ის ჩემი მეორე სამშობლოა და მისთვის ყველაფერს გავაკეთებ, რაც შემიძლია. ჩვენ ახლა ახალ კონცეფციაზე ვმუშაობთ, რომელიც ხელახალ ატესტაციასთან ერთად, ახალი სპეცრაზმის შექმნასაც ითვალისწინებს", - განაცხადა ხატია დეკანოიძემ.