2015-10-26 03:13

საპარლამენტო უმრავლესობის წევრი, თამაზ მეჭიაური საკრებულოს დეპუტატის ალეკო ელისაშვილის გაკეთებულ განცხადებას გამოეხმაურა, რომლის მიხედვით, „მეჭიაური ფულს შოულობს”. 

დეპუტატის თქმით, ელისაშვილი ოდესის გუბერნატორს, მიხეილ სააკაშვილის კინტოა. ამასთან, საკრებულოს წევრს ცრუ ინფორმაციის გავრცელებაში ადანაშაულებს.

მეჭიაური აცხადებს, რომ „ნაციონალებისგან” და მათი მოკავშირეებისგან თავდასხმებს მომავალშიც ელოდება.

ამის შესახებ მეჭიაურმა გაზეთ „ ახალი თაობისთვის“ მიცემულ ინტერვიუში განაცხადა.

„ძალიან არ მინდა ხოლმე ვიღაცეების შეფასება, მაგრამ ისეთ რამეს იტყვიან, იძულებული ვარ პასუხი გავცე. ეს ეხება დედაქალაქის საკრებულოში მჯდომ მიშას კინტო ალეკო ელისაშვილს. დაუწერია ჩემზე, ფულს შოულობსო. ერთი ვინმემ მოიყვანეთ ჩემს ნაქირავებ ბინაში, ვაჩვენო, რა ფულსაც ვშოულობ.” – განაცხადა მეჭიაურმა.

პრაიმტაიმნიუსი