2015-10-24 22:17

საქართველოს ყოფილი პრემიერმინისტრი ბიძინა ივანიშვილი მოქმედს ემოციურობის გამო აკრიტიკებს და ამბობს, რომ მისი ბოლო გამოსვლა არც მას მოეწონა. შეგახსენებთ, პრემიერმა ღარიბაშვილმა განაცხადა, რომ ენმ ქართველი ხალხის მადლობელი უნდა იყოს, რადგან იმას არ უკეთებენ, "რაც იმ ვიდეოებშია".

"ის ემოციური გამოსვლა არც მე არ მომეწონა. ზედმეტი ემოციურობა ახლდა. როგორც მოქალაქეს აქვს მაგას ამის უფლება, მაგრამ ის არის მთავრობის მეთაური, პრემიერ-მინისტრი, მას მეტი პასუხისმგებლობა მართებს. ახალგაზრდაა და მე არ მგონია და ასე არ ჩანს, რომ ის არ არის თვითქმნადი, საკმაოდ ჩამოყალიბებული ლიდერია.

სააკაშვილის მსგავსი ლიდერი ღმერთმა დაგვიფაროს. ის რაც ხდებოდა და როგორ ხდებოდა, საქართველოს სამწუხაროდ სხვა მაგალითები არ ახსოვს. როცა პიროვნება თანამდებობაზე იზრდება, ეს არაა სირცხვილი, საქართველოში გამზადებულ პრემიერმინისტრს ვერსაიდან მოვიყვანთ, ამის რესურსი არ გვაქვს", - აღნიშნა ბიძინა ივანიშვილმა ტვ "იმედთან" ინტერვიუში.