2015-10-23 01:24

დღეს ცნობილი გახდა, რომ მესტიაში კურიოზული შემთხვევა მოხდა: ღამის საათებში წითელი საღებავებით შეღებეს და სხვადასხვა წარწერები დატოვეს შენობაზე, სადაც სამ წელზე მეტია, ენმ-ს ოფისი აღარაა.

როგორც დეტალებში ჩახედულმა პირმა მესტიიდან გვითხრა, ამ შენობაში ახლა ბიბლიოთეკა და საარჩევნო უბანია, ხოლო უფრო ადრე სასამართლო ფუნქციონირებდა. ენმ-ს ადგილობრივი ორგანიზაცია ამჟამად სულ სხვა შენობაშია განთავსებული, ხოლო სავარაუდოდ, მითითებებით მოქმედ ახალგაზრდათა ჯგუფს ოფისები აერია, რაც, ჩვენი წყაროს თქმით, მაშინ ხდება, როცა "ე.წ. შურისმაძიებლები" არ არიან ადგილობრივები. შესაბამისად, არც არანაირი პროტესტი ენმ-ს წინააღმდეგ ადგილობრივ მოსახლეობას არ გამოუთქვამს".