2015-10-21 22:51

ნიკა გვარამიას განცხადების შემდეგ, იმ უკრაინულ სიატზე, სადაც სექსუალური ძალადობის ამსახველი პირველი ორი ვიდეო აიტვირთა, კიდევ ორი ახალი ვიდეო გამოქვეყნდა.

იმის მიუხედავად, რომ გამოქვეყნების დროდ დილის საათებია მითითებული, ფაქტია, რომ ნახვები მხოლოდ საღამოს საათებიდან იწყება, რაც მიანიშნებს, რომ გამოქვეყნების დრო საიტზე ხელოვნურადაა შეცვლილი. 

"კასრების ვიდეოს" ორ ახალ ვარიანტში ისევ ყავარჯნიანი მწამებელი მამაკაცი და უცნობი, ნიღბიანი მოძალადე ფიგურირებენ. სავარაუდოდ, მოქმედება ისევ უკაცრიელ ადგილზე ხდება, ისმის საუბარი მეგრულ ენაზე როგორც მოძალადეების, ასევე ძალადობის მსხვერპლის მხრიდან. 

სექსუალური ძალადობის შემცველი კადრები უკვე გამოაქვეყნა რამდენიმე ქართულმა ონლაინგამოცემამ. "აფხაზეთის ხმა" აცხადებს, რომ შეგნებულად არ აქვეყნებს ვიდეომასალას, რათა ხელი არ შეუწყოს ძალადობის ტირაჟრებას.