2015-09-17 00:36

გიგი უგულავას ადვოკატმა, ბექა ბასილაიამ, კურიერის სპეცგამოშვებაში, პირდაპირ ეთერში საუბრისას განაცხადა, რომ გიგი უგულავა პატიმრობიდან დაუყოვნებლივ უნდა გათავისუფლდეს.

"დარბაზში გამოცხადება კანონიერია. ის რაც მოისმინეს სასამართლო დარბაზში, რაც მოისმინა მთელმა ქვეყანამ აღასრულონ, ამის შემდგომ იმაზე საუბარი, რომ რაღაც უნდა ჩაბარდეს, რაღაც დოკუმენტი უნდა მიიღონ, ეს არის აბსურდი, ეს არის ქაღალდომანია, ეს ტიან შანია, ცისფერი მთებია, ეს არის დასჯადი ქმედება და მარტივად არ ჩაივლის, როგორც ბევრს ჰგონია,"- განაცხადა ბასილაიამ. 

ბექა ბასილაიამ განაცხადა, რომ პროგნოზის გაკეთება თუ როდის გაათავსიუფლებენ უგულავას შეუძლებელია.

"ამ ადამიანების სამართლებრივ თავხედობას საზღვარი არ აქვს, როდის მიიღებენ კანონის შესაბამის გადაწყვეტილებას შეუძლებელია, პროგნოზი გააკეთონ,"- განაცხადა ბასილაიამ.

შეგახსენებთ, რომ ე.წ. მატროსოვის ციხესთან გიგიბ უგულავას მხარდამჭერები არიან შეკრებილი და საკონსტიტუციო სასამართლოს გადაწყვეტილების აღსრულებას ითხოვენ. თავის მხრივ, ციხეში უგულავას ადვოკატების განცხადება არ ჩაიბარეს, ხოლო სასჯელაღსრულების სამინისტროში არ პასუხობენ შეკითხვას, გაათავისუფლებენ თუ არა გიგი უგულავას.