საქართველოს პრეზიდენტმა ეროვნული ბანკის შესახებ პარლამენტის მიერ მიღებულ კანონპროექტს და თანმდევ კანონპროექტებს ვეტო დადო. ამის შესახებ დღეს საგანგებოდ გამართულ ბრიფინგზე გახდა ცნობილი.
ეროვნული ბანკიდან საზედამხედველო ფუნქციის გამოყოფის თავიდანვე წინააღმდეგი იყო გიორგი მარგველაშვილი.
"ჩვენი კრიტიკის საგანი იყო როგორც პროცესის ნაჩქარეობა, ასევე დეტალები, რა ციყო დაკავშირები კონსულტაციებთან, ასევე შინაარსი არსებული კანონპროექტისა. პირველ რიგში ჩვენ ყურადრებას და კრიტიკას იწვევდა ის, რომ ჩვენ ვსაუბრობთ საკონსტიტუციო ინსტიტუტზე, ეროვნულ ბანკზე. ჩვენ ვსაუბრობთ ამ ინსტიტუტის ცვლილებაზე იმ მომენტში, როდესაც საქართველოს ეროვნული ბანკი საერთაშორისო ექსპერტიზის თვალსაზრისით იმსახურებს მაღალ შეფასებას. ხოლო არგუმენტები რატომ უნდა შევცვალოთ ნაკლებად ისმის", - განაცხადა გიორგი ამრგველაშვილმა.
გუშინ გამართულ ბრიფინგზე პრეზიდენტის მრჩევლმა გიორგი აბაშიშვილმა განაცხადა, რომ ადმინისტრაციის შენიშვნებს "ეროვნული ბანკის შესახებ" კანონპროექტთან დაკავშირებით, საერთაშორისო ორგანიზაციები დადებითად აფასებენ.
"რუსთავი-2"
