საქართველოს მესამე პრეზიდენტი, ოდესის ოლქის გუბერნატორი მიხეილ სააკაშვილი აცხადებს, რომ არანაირი კონსულტაციები ენმ-დან წასულ ოთხეულთან არ ჰქონია, რადგან ამის დრო არ ჰქონდა, ამასთან, მისი თქმით, თვითონ წასვლის ფაქტიც არ მიაჩნია მნიშვნელოვან მოვლენად.
„ჩვეულებრივი რაღაცაა, რა, პოლიტიკაში მიდიან, მოდიან. მართალი გითხრათ, ახალი სახეების აღმოცენება პოლიტიკაში არაა ასე მარტივი, ნიახური ხომ არ არის, ხელოვნურად ვერ გააკეთებ... ახალი ვიცი მე კარტოფილი... ბევრი ახალი ხალხი მოვა, ზოგი ივარგებს, ზოგი ვერ ივარგებს, ზოგს მოეწონება, ზოგს არ მოეწონება და წავა, ეს ჩვეულებრივია. მთავარია, იყოს ახალი ენერგია, ახალი პოლიტიკა, ახალი შემართება.
საქართველოში გვყავს საკმარისად გამოცდილი პოლიტიკოსები, უბრალოდ, მათ უნდა ისწავლონ ახალი სტილით მუშაობა, ახალი მეთოდებით, ახალი მიდგომებით და ახალი ხალხი შემოიკრიბონ...
რომ გითხრათ, რომ ამაზე მიფიქრია, არ მიფიქრია, იმიტომ რომ ძალიან ბევრი სხვა საფიქრალი მქონდა და არც მიმაჩნია, რომ ეს რაღაც მნიშვნელოვანი რამეა. ეს ჩვენ, რომლებიც პოლიტიკის ჭაობში ვიხარშებით გვგონია, რომ ვაიმე, ეს რა მოხდა...
თუ გვგონია, რომ ქართველი ხალხი ამაზე ფიქრობს, ასე არ არის, ქართველი ხალხი ფიქრობს მძიმე ეკონომიკურ მდგომარეობაზე და იმაზე, ლუკმაპური როგორ მიიტანოს სახლში, რაში აინტერესბს, რომელი პოლიტიკოსი რომელ კაბინეტში იქნება...
ეს ჩვენ, პოლიტიკაში ვინც ვართ, მაგათ გვგონია, რომ მსოფილო მათ გარშემო ბრუნავს და მათი წარბის აწევაც კი მნიშვნელოვანია... ხალხს ეს არ აინტერესებს არც აქ, არც საქართველოში და არც სხვა რომელიმე ნორმალურ სახელმწიფოში...“, - აღნიშნა სააკაშვილმა „იმედის კვირასთან“ ინტერვიუში.
