2015-05-30 00:46

გავრცელებული ინფორმაციის შემდეგ, რომლის თანახმადაც ოდესის ოლქის გუბერნატორის თანამდებობაზე ქვეყნის მინისტრთა კაბინეტმა პრეზიდენტს მიხეილ სააკაშვილი წარუდგინა, ახალ ამბავს უკრაინელები მიხეილ სააკაშვილის გვერდზე ეხმიანებიან. 

მიხეილ სააკაშვილმა გაიზიარა ცნობილი ჰიტი: "Шаланды полные кефали", და წაუმძღვარა ინგლისურად დაწერილი "მე მიყვარს ოდესა", რასაც ოდესელებისა და ზოგადად, უკრაინელი ინტერნეტმომხმარებლის გამოხმაურებები მოჰყვა. გამოხმაურებები თითქმის 100%-ით დადებითი და პოზიტიურია: "დაეთანხმეთ! ცოტათი მაინც შეგვეშველეთ! ნუთუ ისეთი მშვენიერი ოლქი, როგორიც ოდესაა, ნორმალურ გუბერნატორს არ იმსახურებს?", - წერს ნელი ლიტვინენკო. 

"Шаланды полные ткемали в Одессу Миша привозил", - ხუმრობს ანდრეი სტავნიცერი. 

"ოი, ეს მართალი აღმოჩნდეს!", - წერს ტატიანა სლავგოროდსკაია. 

"კეთილი იყოს თქვენი მობრძანება ოდესაში, ბატონო მიხეილ! იმედი გაგვიჩნდა!", - წერს მიხეილ სააკაშვილს ივან სოტოვი. 

"სამწუხაროა, რომ ოდესაში - ხარკოვი რითაა უარესი?", - წუხს ხარკოველი მაქსიმ იავნიკოვი.