2015-05-29 22:58

ოდესის გუბერნატორად მიხეილ სააკაშვილის დანიშვნის შესახებ ინფორმაციას საქართველოშიც ადასტურებენ. ამავე დროს, როგორც ირკვევა, სააკაშვილი საერთაშორისო მრჩეველთა საბჭოს თავმჯდომარის თანამდებობასაც ინარჩუნებს.

პარლამენტის წევრი "ნაციონალური მოძრაობიდან" ეკა ხერხეულიძე წერს:

"მიხეილ სააკაშვილი დაინიშნა ოდესის გუბერნატორად,სადაც 3 მილიონი უკრაინის მოქალაქე ცხოვრობს(ამასთანავე, ინარჩუნებს საერთაშორისო მრჩეველთა საბჭოს თავმჯდომარეობას)".

შეგახსენებთ, თავდაპირველად მიხეილ სააკაშვილის დანიშვნის შესახებ ინფორმაცია უკრაინის ეკოლოგიის მინისტრმა გაავრცელა და უკრაინელმა ჟურნალისტებმა დაადასტურეს.