საქართველოს არა აქვს იმის ფუფუნება, რომ ერთი მთავრობა ცვლიდეს მეორეს და იჭერდეს ძველს, ერთსა და იმავე წრეზე არ უნდა დავდიოდეთ, - ეს განცხადება საქართველოს მესამე პრეზიდენტმა მიხეილ სააკაშვილმა ზუგდიდში მიმდინარე აქციის დროს, სკაიპით ჩართვისას გააკეთა.
"სამეგრელოში ძალიან ბევრი რამ დავიწყეთ იქ, მაგრამ პრაქტიკულად ყველაფერი კუს ნაბიჯებით მიდის. გეგონება ვიღაცამ შეგნებულად სამეგრელოს დაუსტოპა, დაუპაუზა მომავლის პერსპექტივა. ამიტომ ჩემთვის ამ ყველაფრის შებრუნება არ არის ვიღაცის რევანში.
მე პირდაპირ ვაცხადებ, როგორი გამწარებულებიც არ უნდა ვიყოთ, როგორი გაბრაზებულებიც არ უნდა ვიყოთ, როგორ უსამართლობებთანაც არ უნდა გვქონდეს საქმე, ჩვენ არავითარ შემთხვევაში, არავის მიმართ არ უნდა გავატაროთ რაიმე სისხლის სამართლებრივი დევნა.
საქართველოს არ შეუძლია, არ აქვს ფუფუნება, რომ მუდმივად ერთსა და იმავე წრეზე დადიოდეს, ერთი მთავრობა ცვლიდეს მეორეს და იჭერდეს ძველს“, - განაცხადა სააკაშვილმა.
