2015-05-09 02:30

საქართველოს პარლამენტმა 87 ხმით 38-ის წინააღმდეგ მიიღო დადგენილება საქართველოს მთავრობის განახლებული შემადგენლობისთვის ნდობის გამოცხადების შესახებ. 

განახლებული მთავრობის წევრების მოსმენა და კითხვა-პასუხი პარლამენტში 02:30 საათამდე გაგრძელდა. სხდომის ბოლოს პარლამენტის თავმჯდომარემ იხუმრა კიდეც, რომ ღამის 12 საათის შემდეგ პარლამენტის წევრების მუშაობა განსაკუთრებულ ელფერს იძენს და უფრო პროდუქტიულიც კი ხდება: "ხომ არ დაგვენერგა ეს პრაქტიკა?", - იკითხა დავით უსუფაშვილმა.