2015-05-02 09:28

საქართველოს მთავრობის მინისტრთა კაბინეტში თავდაცვისა და გარემოს დაცვის მინისტრებად წარდგენილმა რესპუბლიკელებმა თინა ხიდაშელმა და გიგლა აგულაშვილმა სოციალურ ქსელ „ფეისბუქში“ პირველი საჯარო პირობა დადეს.

თინა ხიდაშელი:

„სამი ამბავი მინდა დავწერო თბილისისკენ მომავალმა

1.ამ სივრცეში ზუსტად ისევე დავრჩები როგორც ვიყავი; შესაძლოა ცოტა დროში დავაგვიანო ხოლმე და მაპატიეთ

2. დღეს ვთქვი უკვე მინისტრი ვარ-თქო და გავიგე რომ აჟიოტაჟი გამოუწვევია. შესაძლოა უხერხულად მოგეჩვენოთ მაგრამ ასეა კონსტიტუციით ჩემო ძვირფასებო. კონსტიტუცია არ ითვალისწინებს კანდიდატს, წარდგინებას და ასეთებს. უკვე მინისტრები ვართ (ვოცნებობდით ამაზე თუ არა ) და პარლამენტი ნდობას გამოგვიცხადებს თუ არა ეს უკვე სხვა საქმეა.

3. მთავრობის ყველა წევრი მთავრობის წევრია, დღეს დანიშნულების ჩათვლით და ყველა ერთად მოდის პარლამენტში ნდობაზე. სულ ეს არის

P.S კითხვაა ქვევით მინისტრი როგორ ხარ თუ არ დაგამტკიცებენო და მადლობა კარგი კითხვაა.

ზუსტად ისე, როგორც მაგალითად, თამარ ბერუჩაშვილი ან ვახო გომელაური.“

გიგლა აგულაშვილი:

„1. ახალი თანამდებობა არ შემცვლის

2. ისევ ვუპასუხებ ყველა ზარს

3. დავრჩები ფეისბუქზე და სხვა საჯარო სივრცეებში

4. გავზრდი ჩემს ანგარიშვალდებულებას

5. მივიღებ რჩევა-კონსულტაციებს

6. ნეპოტიზმის ვირუსი არ შემეყრება

7. პრემიას მხოლოდ გამორჩეულზე გავცემ განსაკუთრებული დამსახურებისათვის

8. აქტიურად ვითანამშრომლებ არასამთავრობო სექტორთან

9. დაუნდობელი, მაგრამ სამართლიანი ვიქნები კანონდამრღვევთა მიმართ

10. გავუფრთხილდები ყველა ღირსეულ პროფესიონალს

P.S. გთხოვთ, გახდეთ საქართველოს "მწვანე გუშაგები". მომაწოდოთ ინფორმაცია, მომწეროთ, დამირეკოთ, დამიმესიჯოთ, თუ შეამჩნიეთ, დაინახეთ ან აღმოაჩინეთ კანონდარღვევა.“