ზუგდიდის მუნიციპალიტეტის ფრაქცია „თავისუფალი დემოკრატების“ წარმომადგენელმა ცოტნე მურღულიამ, რომელმაც სწავლის გაგრძელების მიზნით დატოვა საქართველო, ზუგდიდის მუნიციპალიტეტის გამგეობის ქონების ნაწილის შესახებ განცხადება „აფხაზეთის ხმას“ მიაწოდა.
“ზუგდიდის მუნიციპალიტეტის საკრებულოს უფლებამოსილების ცნობის მომენტიდან დღემდე, საკრებულოს რიგი წევრების ინტერესს იწვევს იმ მეწარმე საზოგადოებ(ებ)ის საქმიანობის შესწავლა, სადაც ზუგდიდის მუნიციპალიტეტის გამგეობა დამფუძნებელ ან/და მმართველ პარტნიორად გვევლინება.
ამ თვასაზირისით, ინტერესს იწვევს შპს “სასტუმრო ანაკლიის”, შპს “განმუხური-ანაკლია რეზორტის/Ganmukhuri-Anaklia Resorts” თუ სხვა მეწარმე საზოგადოებ(ებ)ის საქმიანობის მონიტორინგი.
უფრო კონკრეტულად, ნიშანდობლივია ასეთ საწარმოებში დასაქმებულ პირთა კვალიფიკაციისა და მათი შრომითი ანაზღაურების მიმართება ამავე მეწარმე საზოგადოებ(ებ)ის საქმიანობის ეფექტურობისა და რენტაბელურობის მაჩვენებლებთან, საწარმოს წლიური აუდიტის შედეგები, მიღებული დივიდენდების მიზნობრიობა, მათი ოდენობა და გახარჯვის მიზანშეწონილობა.
ამასთან, იმ პირობებში, როდესაც მათი დიდი ნაწილი პარალიზბულია და ოპერირება უწევს მუნიციპალიტეტის სუბსიდიების მეშვეობით, გაუგებარია საწარმოს მრავალრიცხოვანი პერსონალის საჭიროების აუცილებლობა მათი ასტრონომიული ანაზღაურების გათვალისწინებით.
მეტი თვალსაჩინეობისთვის, ზოგიერთი მათგანი წარმოდგენილია ორი ან მეტი დირექტორით, დირექტორის მოადგილეებითა თუ სამსახურის ხელმძღვანელებით, რომელთა საშუალო ანაზღაურება 3000-5000 ლარის ფარგლებში მერყეობს. უფრო მეტიც, როდესაც ჩვენ მივმართეთ ზუგდიდის მუნიციპალიტეტის გამგეობას, როგორც მმართველი/დამფუძნებელი პარტნიორისგან მიგვეღო ასეთი ინფორმაცია, მათ შორის აუდიტის შედეგები, გაირკვა, რომ ისინი არ ფლობენ მსგავსი შინაარსის ინფორმაციას.
დაინტერესების შემთხვევაში, მზად ვართ საზოგადოებას წარვუდგინოთ ოფიციალური პასუხები. თავის მხრივ, საზოგადოებისთვის მიგვინდია ასეთი დამოკიდებულების მუნიციპალიტეტის ქონებისადმი ასეთი დამოკიდებულება.
ამ საკითხის შესწავლით, ჩვენი არაერთი მოთხოვნის/განცხადების შემდგომ, ერთი შეხედვით, მუნიციპალიტეტის საკრებულოსა თუ გაგეობის ხელმძღვანელი თანამდებობის პირებიც დაინტერესდნენ. ამ მიმართულებით, განისაზღვრა შემდგომი სამუშაო მოქმედების სტრატეგია, რომელიც 2015 წლის დასაწყისიდანვე უნდა ამოქმდებულიყო.
ამ მიმართულებით დღემდე არაფერი გაკეთებულა. ყოველივე ზემოთქმული გვაფიქრებინებს, რომ ადგილი აქვს შეგნებულ სამსახურებრივ გულგრილობას, სავარაუდო კორფციულ ინტერესს ან/და არაკომპეტენტურობას, რაც მოცემულ შემთხვვეაში, თითოეული ერთმანეთზე უარესია.
ყოველივე ზემოაღნიშნულის გათვალისიწნებით, იმედს ვიტოვებთ, რომ ყველა ის პირი, რომლის უშუალო მოვალეობასაც წარმოადგენს მითითებული საკითხები, უმოკლეს ვადებში უზრუნველყოს წინამდებარე ურთიერთობების შესწავლას საზოგადოების ფართო ნაწილისა თუ სხვა დაინტერესებული პირების მონაწილეობით."
