2015-03-01 15:07

„ნემცოვი მოკლა სისტემამ, რომელიც პუტინმა შექმნა,”- ამის შესახებ  მიხეილ სააკაშვილმა ,,FOX NEWS“-ის ეთერში საუბრისას განაცხადა.

მისი თქმით, პუტინის შექმნილი სისტემა ეს არის დაშინების სისტემა, მაფიის სახელმწიფო, სადაც დაქირავებულ მკვლელებს ძალიან სწყალობენ.

მან ასევე გაიხსენა ნემცოვთან ბოლოს გამართული შეხვედრები და აღნიშნა, რომ რუსი ოპოზიციონერი დაინტერესებული იყო უკრაინის ამბებში რუსული ჯარების მონაწილეობის შესახებ მტკიცებულებების შეგროვებით.

„ზოგი ადამიანი ფიქრობს, რომ უკრაინისთვის იარღის მიწოდება ესკალაციას გამოიწვევს, რომ აგრესორი უნდა დავამშვიდოთ და მეტად აღარ გავანერვიულოთ, თავი დავუხაროთ, რომ დაწყნარდეს და თავი დაგვანებოს, მაგრამ ეს არ მუშაობს. პუტინი ძალადობით მართავს.

მისი ძალადობა რომდისმე დასრულდება, მაგრამ პრობლემა ისაა, რა დაუჯდება ეს დანარჩენ მსოფლიოს. მისი დამშვიდება არ გამოვა. მსოფლიომ უნდა იმოქმედოს ახლავე, თორემ მოგვიანებით ყველას მეტი საფასურის გადახდა მოგვიწევს და შესაძლოა მერე ნემცოვის მსგავსად, ზოგიერთი ადამიანისთვის და ქვეყნისთვისაც კი, ძალიან გვიანი იყოს”-განაცხადა სააკაშვილმა.