2015-02-02 21:00

უკრაინულმა გამოცემამ „ცენზორ.ნეტ“ არასწორი ინფორმაცია გაავრცელა, თითქოსდა მიხეილ სააკაშვილი ადასტურებს მისი მხრიდან თანხმობას, მიიღოს მონაწილეობა უკრაინის ეროვნული ანტიკორუფციული ბიუროს დირექტორის თანამდებობის დასაკავებლად გამოცხადებულ კონკურსში.

სინამდვილეში საქართველოს მესამე პრეზიდენტმა განაცხადა, რომ ის მზადაა დაეხმაროს ჯგუფს, რომელიც უკრაინაში ბრძოლას გამოუცხადებს კორუფციას, თუმცა, ფიქრობს, რომ მისი კანდიდატურა არ განიხილება.

„არ ვიცი, ვინ ჩაუდგება სათავეში ამ ჯგუფს, მაგრამ ვიცი, რომ მე მზად ვარ, მასთან ვითანამშრომლო და, თუ საჭიროა, დავეხმარო კიდეც“, - თქვა „ცენზორ ნეტთან“ ინტერვიუში მიხეილ სააკაშვილმა.

შეგახსენებთ, „ცენზორ.ნეტზე“ დაყრდნობით ბიუროს დირექტორის თანამდებობის დასაკავებლად კონკურსში მონაწილეობის შესახებ მიხეილ სააკაშვილის მხრიდან თითქოსდა თანხმობაზე ინფორმაცია ქართულმა მედიამ, მათ შორის, „აფხაზეთის ხმამაც“ გაავრცელა.