2014-12-24 09:43

დავით საყვარელიძე და გიზო უგლავა (გიგი უგულავას ადვოკატი) - სწორედ ეს ორი პირია დასახელებული უკრაინულ მედიაში კიდევ ორ პერსონად, რომლებმაც, შესაძლოა, ქვეყნის მოქალაქეობა მიიღონ და თანამდებობებზეც დაინიშნონ.

ამის შესახებ უკრაინული „გორდონი“ „უდარის“ დეპუტატ ვალერი პაცკანის ცნობაზე დაყრდნობით წერს, რომელიც ამბობს, რომ მოქალაქეთა საკითხების კომისიამ უკვე მიმართა პეტრო პოროშენკოს მათთვის მოქალაქეობის მინიჭების რეკომენდაციით.

ამასთან, პაცკანი არ აკონკრეტებს, სად დაინიშნებიან საყვარელიძე და უგლავა, მაგრამ მიანიშნებს, რომ მათ დიდი როლი ითამაშეს საქართველოს პროკურატურის რეფორმირებაში. აღსანიშნავია, რომ კომისიამ დავით საყვარელიძისა და გიზო უგლავას საკითხი უკვე განიხილა და დოკუმენტები დადებითი დასკვნით უკვე გადაუგზავნა პეტრო პოროშენკოს.