ჟურნალისტ ირმა ინაშვილის განცხადებით იგი ფლობს ინფორმაციას, იმის შესახებ რომ „ნაციონალები“ გეგმავენ გაახმაურონ ციხის სკანდალური კადრების ის ნაწილი, სადაც ცოცხი ფიგურირებს.
ამის შესახებ ინფორმაციას „პრაიმტაიმი“ ავრცელებს:
„ნაციონალოები“ ხაზგასმით იტყვიან, რომ ეს ყველაფერი იყო დადგმული. „თქვენ იცით, რომ ციხის კადრები ერთ-ერთი ყველაზე მტკივნეული თემაა „ნაციონალური მოძრაობისთვის“, რადგან თითქმის მთელი მათი ელიტაა ბრალდებული წამებაში. ამის გამო, მათ მეცოცხეებს ეძახიან. ამიტომაც, მათი ამოცანაა ჩამოირეცხონ ეს იმიჯი. მოძებნილი ჰყავთ რამდენიმე ადამიანი, რომლებიც აპირებენ მოყვნენ, თითქოს მათ დაავალეს ამ კადრების იმიტაცია. ახლავე ვეტყვი მათ, რომ ეს მცდელობა არის სისულელე. დასავლეთში არავის აინტერესებდა ეს კადრები, სადაც ცოცხი ფიგურირებს. მათთვის მნიშვნელოვანი იყო კარანტინის კადრები, რომელიც დათა აკობიამ გადაიღო და სადაც რეალური ადამიანები, დეპარტამენტის და კონკრეტული ციხის მაღალჩინოსნები სცემენ პატიმრებს. ამ რეალობას ვერავინ გაექცევა“, - აცხადებს ინაშვილი.