"სიტყვები არ მყოფნის, ის ემოცია და მადლიერება გამოვხატო, რაც ქართველების მიმართ დამეუფლა: როცა მათ გაიგეს, რომ თბილისის უკრაინელი სტუმრები ვიყავით, ჩვენს პატივსაცემად მთელმა ვაგონმა უკრაინის ჰიმნი შეასრულა!", -
ამის შესახებ სოციალურ ქსელ "ფეისბუქში" სერგეი ლისტოპადი წერს და ვიდეოსაც აქვეყნებს, სადაც ქართველები არცთუ ხმაშეწყობილად, მაგრამ მონდომებით მღერიან უკრაინის სახელმწიფო ჰიმნს.
"აი, ვინაა მოძმე ხალხი და არა ის ნაბიჭვრები, ვინც უკრაინას დაესხა თავს", - წერს ლისტოპადი. კომენტარებში უკრაინელები მადლობას უხდიან ქართველებს, ხოლო ერთი კომენტატორი ქალბატონი წერს: "აუცილებლად ვისწავლი საქართველოს ჰიმნს!".