2014-04-17 04:41

„ურთიერთობის დიალოგში გადატანის ჩვენი ძალისხმევა ჯერ-ჯერობით არც ისე შედეგიანად მიმდინარეობს, მაგრამ ჩვენ გვჯერა, რომ მას პოტენციალი აქვს“,

- ეს ციტატა „ამერიკის ხმას“ იმ ინტერვიუდან მოჰყავს, რომელიც საქართველოს პრეზიდენტმა გიორგი მარგველაშვილმა „როიტერს“ მისცა.

საქართველოს პრეზიდენტი ინტერვიუში ამბობს, რომ უკრაინაში მიმდინარე მოვლენებმა ქართულ-რუსულ ურთიერთობებს უფრო მეტი უარყოფითი ფაქტორი შესძინა, ვიდრე დადებით, მაგრამ ამის მიუხედავად, ქართული მხარის პოზიცია უცვლელი რჩება.

საქართველოს პრეზიდენტი ასევე ამბობს, რომ უკრაინაში განვითარებული მოვლენების სემდეგ საქართველო უფრო დაუცველად გრძნობს თავს, ვიდრე მანამდე გრძნობდა, თუმცა, მიაჩნია, რომ რუსეთი „არ უნდა გაირიყოს“:

„რუსეთი არ უნდა იყოს გარიყული.  მისი შეკავება ჩართულობით უნდა მოხდეს“, - აცხადებს გიორგი მარგველაშვილი „როიტერთან“.