რუსული საექსპერტო-ანალიტიკური პორტალი „პოლიტრუს. ქომ“ წერს, რომ საქართველოს პოლიტიკურ ელიტაში, ბოლოს და ბოლოს, ჩამოყალიბდნენ, ვინ შეხვდება რუსეთის პრეზიდენტს. სტატიის: „მარგველაშვილი პუტინს შეხვდება“ ავტორის თქმით, ეს გიორგი მარგველაშვილი იქნება.
2014 წლის 16 აპრილით დათარიღებულ სტატიაში ავტორი წერს, რომ თავდაპირველად ვლადიმირ პუტინთან შეხვედრის მზადყოფნა გამოხატა პრემიერმინისტრმა ირაკლი ღარიბაშვილმა, თუმცა, გამოცემის მიხედვით, შეხვედრის გამართვა მაინც უმაღლეს დონეზე გადაწყდა.
ავტორი ვერ ასახელებს შეხვედრის დროსა და ადგილს, მაგრამ წერს, რომ ამ შეხვედრის მოსამზადებელი დეტალების განხილვა იყო დაგეგმილი 16 აპრილს გრიგორი კარასინისა და ზურაბ აბაშიძის შეხვედრაზე.
ავტორი ეხება საქართველოს შიდა პოლიტიკურ პროცესებსაც და ბიძინა ივანიშვილს „საქართველოს ფაქტობრივ მმართველს“ უწოდებს. მისი მტკიცებით, როგორც ირაკლი ღაღიბაშვილი, ასევე გიორგი მარგველაშვილი მის პროტეჟეებს წარმოადგენენ და ქართულ პოლიტიკაში დაახლოებით თანაბარმნიშვნელოვანი ფიგურები არიან.