2014-04-16 19:05

რუსმა ოკუპანტებმა ტელეკომპანია TV3ის ჟურნალისტები გაათავისუფლეს. მათ ე.წ. საზღვარი რაიმდენიმე წუთის წინ გადმოლახეს. გადამღები ჯგუფის წევრებს საქართველოს კონტროლირებად ტერიტორიაზე ჟურნალისტები და ახლობლები დახვდნენ.

TV3-ის ჟურნალისტი ბელა ზაქაიძე, ოპერატორი ვახო ლეკიაშვილი და ტელეკომპანიის ტექნიკური თანამშრომელი მიხეილ მიხოევი გუშინ სოფელ აძვში საზღვრის გადმოწევის ფაქტის გასაშუქებლად იყვნენ ჩასული, გადამღები ჯგუფი ჩართვისთვის ემზადებოდა, როდესაც ისინი რუსმა ე.წ. მესაზღვრეებმა დააკავეს. გუშინ, გვიან საღამოს ისინი ცხინვალის იზოლატორში გადაიყვანეს.

გათავისუფლებული ჟურნალისტები თბილისში ჯერ არ დაბრუნებულან.