2014-03-31 10:06

2005 წლის 3 თებერვლის ტრაგედიიდან ათი წლის შემდეგ „კვირის პალიტრა“ საბურთალოს ქ. #53-ში იმ ბინას ვესტუმრეთ, სადაც ჟვანიასა და იუსუპოვის ცხედრები იპოვეს. მისი მეპატრონე კვლავ ეკა კიკიანია.

ფრაგმენტი ინტერვიუდან:

- რამდენი ხნის შემდეგ დაბრუნდით ამ ბინაში საცხოვრებლად? 

- 2008 წლის აგვისტოში, როცა მეორე შვილი გამიჩნდა. მანამდე დალუქული იყო აქაურობა, გავარემონტე, რამდენჯერმე მამაო მოვიყვანე და ბინა ვაკურთხებინე, შევცვალეთ ავეჯი, ის სავარძლები, რომელზეც, სავარაუდოდ, ჟვანია და იუსუპოვი ისხდნენ, დედაჩემის აგარაკზე ავიტანე, მაგიდა კი მამას გავუგზავნე მუხათწყაროში. 

აქამდე მშვიდად ვიყავი, მაგრამ რაც კადრები გავრცელდა ინტერნეტით, საშინელი დისკომფორტი დამეწყო. მაგიდა, სავარძლები, თეფშები, რომელიც ფოტოზეა, ჩემია. 

ნარდი არ მქონია, ალბათ, თვითონ მოიტანეს. არ ვიცი, სად ნახა ფოტოები, ჩემი 5 წლის შვილი ოთახში მარტო არ შედის და იმ ადგილს ახტება, სადაც ცხედრები ესვენა. ძილის წინ მეუბნება, დედა, ჟვანია ხომ არ მოვაო? მეკითხება, რატომ მოკვდა ჟვანია, მე კი ვეუბნები, რომ დაბერდა და იმიტომ გარდაიცვალა-მეთქი. ყოველდღე ასე ვცხოვრობთ. ამ კადრების შემდეგ ძალიან დავითრგუნე.

ამ სახლის გაყიდვა მინდა, რადგან ჩემი უფროსი შვილი უკვე 17 წლისაა, თან მაღალ სართულზე მინდა ვიცხოვრო. ყველა ხვდება, რომ ეს “ის” ბინაა…“