2014-03-28 21:57

საქართველოს პრეზიდენტმა გიორგი მარგველაშვილმა მიხეილ სააკაშვილის დაკითხვაზე დაბარებასთან დაკავშირებით კომენტარი გააკეთა.

მარგველაშვილის განცხადებით, სააკაშვილის პასუხი პროკურატურის განცხადებაზე, მისთვის უსიამოვნო იყო.

ამის შესახებ პრეზიდენტმა „რუსთავი 2“-ის გადაცემა „პოზიციაში“ ისაუბრა:

“ჩემთვის უსიამოვნო იყო იმის მოსმენა, რა პასუხიც გასცა სააკაშვილმა დაკითხვასთან დაკავშირებით. როცა სააკაშვილი ღიად შეურაცხყოფს სახელმწიფო ინსტიტუტებს, ეს მასაც შერაცხყოფს, რადგან ის ამ ქვეყნის პრეზიდენტი იყო.

რა თქმა უნდა იმ ფაქტმა, რომ საუბარი სააკაშვილის დისტანციურ დაკითხვაზეა, მოხსნა ის საშიშროებები და ვარაუდები, რაც მის დაპატიმრებას უკავშირდებოდა. ჩემთვის ძალიან უსიამოვნო იყო ის, რომ სააკაშვილმა ასე აგდებულად უპასუხა პროკურატურის შეთავაზებას“, - განაცხადა გიორგი მარგველაშვილმა.