2014-03-28 08:55

10 საათის განმავლობაში პასუხობდა გამოძიების კითხვებს თბილისის საკრებულოს ფრაქცია „ნაციონალური მოძრაობის“ თავმჯდომარე და თბილისის ყოფილი ვიცე–მერი მამუკა ახვლედიანი, რომელიც მსგავს ქმედებებს ზეწოლად აფასებს:

„რასაკვირველია, გამოძიების შეკითხვებს პასუხი უნდა გაეცეს, მაგრამ ეს არ არის მხოლოდ ჩემი მრავალსაათიანი ყოფნა ამ უწყებაში: ეს არის უამრავი ადამიანის დაბარება და ზეწოლა მათზე. ეს ისახავს მიზნად „ნაციონალური მოძრაობაზე“ ზეწოლას ადგილობრივი თვითმმართველობის არჩევნების წინ“, – განაცხადა დაკითხვიდან გამოსულმა მამუკა ახვლედიანმა.

მამუკა ახვლედიანის დაკითხვა მერიასა და „სითი პარკს“ შორის გაფორმებულ ხელშეკრულებასთან დაკავშირებით მიმდინარეობდა.