გიული ალასანია „რუსთავი-2“-თან ინტერვიუში აცხადებს, რომ მიხეილ სააკაშვილს მის სახელზე მოსული უწყების შესახებ შეატყობინა, თუმცა, არ იცის, როგორ მოიქცევა თავად მიხეილ სააკაშვილი.
საქართველოს მესამე პრეზიდენტის დედა ამბობს, რომ როცა უწყებით მოსული პირი დაინახა, ეს ვერ დააკავშირა თავის შვილთან, თუმცა, აღმოჩნდა, რომ ამჯერად დაკითხვაზე სწორედ მიხეილ სააკაშვილს იბარებენ:
"ეს შეტყობინება ჩემს შვილთან არ დამიკავშირებია, იმიტომ, რომ ძალიან დაემთხვა დროში მეორე ფაქტს. ორი დღის წინ, ჩვენს უნივერსიტეტში მოვიდა ქაღალდი, რომლითაც სისხლის სამართლის საქმეა აღძრული. ცოტა გაუგებარი შინაარსის კი არის ეს წერილი, მაგრამ მაინც ეს ეხება ბათუმის სკოლის შენობას. ასე, რომ მე ვფიქრობდი, რომ ეს ადამიანი ისევ იმ საქმეზე არის მოსული.
ამ შემთხვევაში აღმოჩნდა, რომ ჩემს შვილს იბარებენ. შევატყობინე რაღაცნაირად, რომ ასეთი დოკუმეტი არსებობს. თვითონ მიიღებს გადაწყვეტილებას, როგორ იმოქმედებს მე არ ვიცი, მართალი გითხრათ", - აცხადებს გიული ალასანია.
