2014-03-22 02:21

ყოფილი პარლამენტარის ელენე თევდორაძის განცხადებით, ჟვანიას საქმეს ახლაც ის გამომძიებელი იძიებს, რომელიც წინა ხელისუფლების დროს იძიებდა,-ამის შესახებ, თევდორაძის თქმით, მას თვითონ გამომძიებელმა უთხრა.

„ზურაბ ჟვანიას გასვენების დღს ერთ რუს ჟურნალისტს ვუთხარი, რომ ეს არ იყო უბედური შემთხვევა. ახლა როდესაც დაკითხვაზე დამიბარეს და გამომძიებელმა როცა დაასრულა კითხვების დასმა, თქვა: „ძალიან საინტერესო რამაა, მე ვიყავი ის გამომძიებელი, რომელიც ძველი ხელისუფლების დროს იძიებდა ამ საქმეს. აი ახლა ისევ მე ვიძიებ, მაგრამ ყველაფერი ყირამალა დადგა“.

„რას ნიშნავს ეს?“ ვკითხე მე.  მან მიპასუხა: „მაშინ იყო ერთი მიმართულება მიცემული ახლა არის მეორე“. გვარი არ მახსოვს, მაგრამ არ არის რთული დასადგენი“ – განაცხადა თევდორაძემ ინგა გრიგოლიას გადაცემა ,,რეაქციაში“ საუბრისას.