2014-03-21 10:08

რუსეთის სახელმწიფო დუმის ერთადერთი დეპუტატი, რომელმაც რუსეთთან ყირიმის შეერთების წინააღმდეგ მისცა ხმა, სოციალურ ქსელებში მოღალატედ გამოაცხადეს.

"სპრავედლივაია როსიას" წევრი ილია პონომარიოვი დუმის სხდომაზე თეთრი ლენტით მივიდა, ხოლო კენჭისყრის დროს, რომელიც რუსეთის ფედერაციის შემადგენლობაში ყირიმის ნახევარკუნძულისა და ქალაქ სევასტოპოლის შესვლას ამტკიცებდა, ხმა წინააღმდეგ მისცა. მისი ხმა ერთადერთი იყო, რომელიც ტაბლოზე აინთო განყოფილებაში "წინააღმდეგი".

როგორც "ფეისბუქზე", ასევე სხვა სოციალურ ქსელებში ამ ნაბიჯის გამო დეპუტატი რუსი ინტერნეტმომხმარებლების დიდმა ნაწილმა მოღალატედ გამოაცხადა.