2014-03-17 11:02

საქართველოს აგრარული უნივერსიტეტის რექტორი ლაშა გოჩირიძე დაკითხვაზე დაიბარეს. ინფორმაციას "რუსთავი2"–ზე დაყრდნობით "ტაბულა" ავრცელებს.

საქმე უნივერსიტეტის პრივატიზებისას დიდი ოდენობით სახელმწიფო ქონების გაფლანგვას ეხება. 

ლაშა გოცირიძის თქმით, "მთავრობამ გადაწყვიტა,შეტევის მეორე ტალღა განეხორციელებინა."

"მთავრობამ ვერ გაუძლო ზეწოლას და დაგვიბრუნეს უკანონოდ ჩამორთმეული ავტორიზაცია. როგორც ჩანს ამის შემდეგ, მთავრობამ პატარა ტაიმ აუტი აიღო, ვნებათაღელვა ჩვენს შესახებ ჩაქრა და მთავრობამ გადაწყვიტა, რომ შემოტევის მეორე ტალღა განეხორციელებინა.

თუკი, თეორიულად შეიძლებოდა, ვინმეს ქონება გაეფლანგა. ეს შეიძლებოდა, გაეკეთებინა საჯარო მოხელეს. არასაჯარო მოხელეს და არასაჯარო დაწესებულებას, უნივერსიტეტს ამასთან კავშირი არ აქვს.

თუკი, საქმე იძიებს სახელმწიფო ქონების გაფლანგვას, ეს ბუნებრივია, ალბათ იძიებს იმ პერიოდს, რა პერიოდშიც გასახელმწიფოებრიობა მოხდა. გამოძიების ინტერესი არ შეიძლება იყოს 2012-2013 წლებში განხორციელებული ინვესტიციები. " - აღნიშნავს გოცირიძე.

უნივერსიტეტის დამფუძნებელ კახა ბენდუქიძეს უწყება ჯერ არ მიუღია.