-
2021-12-06 16:23
ერთი წლის წინ ცნობილი კომპანიის "ლუტეციის" მთავარი დამფუძნებელი - ვახტანგ ფხაკაძე გარდაიცვალა.
სწორედ მისი გარდაცვალების ერთი წლის თავთან დაკავშირებით "ლუტეცია ჯგუფი" სოციალურ ქსელში ვრცელ პოსტს აქვეყნებს:
"მადლობა თითოეულ თქვენგანს - "ლუტეცია ჯგუფის" დიდ ოჯახის წევრებს, ჩვენ პარტნიორებს და თითოეულ თქვენგანს, ვინც ახლა ამ წერილს კითხულობთ.
მადლობა იმისთვის, რომ სწორედ თქვენი გვერდში დგომით ამ ერთი წლის მანძილზე ერთი წამითაც არ გაჩერებულა საქმე, რომელიც ჩვენთვის ძალიან ძვირფასი ადამიანის - ვახტანგ ფხაკაძის - სახელს უკავშირდება!
რთული წელი იყო, მაგრამ სწორედ 6 დეკემბერს, ერთი წლის წინ, ჩვენ პირობა დავდეთ - ჩვენი ჯგუფის დამფუძნებლისა და მეგობრის მიერ დაწყებული საქმე არ გაჩერდებოდა. ამ პირობას ვუსრულებთ ბატონ ვახოს და ამ პირობას ვუსრულებთ "ლუტეცია ჯგუფის" ყველა გულშემატკივარს.
წინ იქნება მეტი წარმატება, მეტი ახალი პროექტი და რაც მთავარია, მეტი სიყვარული თითოეული თქვენგანის მიმართ!
პატივისცემით "ლუტეცია ჯგუფი" - ნათვამია კომპანიის განცხადებაში.
აღნიშნულ პოსტს ქართველი ცნობადი სახეებიც გამოეხმაურნენ, მათ შორის მომღერლები ნინო ჩხეიძე და სალომე ბაკურაძე, რომელთაც თავისი პატივისცემა კომენტარების სახით გამოხატეს.
