2021-05-24 17:19

მომღერალი ნინი ქარსელაძე და მისი ოჯახი საზოგადოების ყურადღების ცენტრში ხშირად ექცევიან. ცნობილი მშობლებისა თუ თავად ნინის პირადი ცხოვრებაც არაერთხელ გამხდარა განხილვის საგანი. მომღერალი სოციალურ ქსელში აქტიური არ არის და ფოტოებსაც იშვიათად აქვეყნებს.

ამჯერად ნინიმ „ინსტაგრამ სთორიში“ დედის, ხათუნა ჟორდანიას ფოტოები გამოაქვეყნა წარწერით „დე, ჩემი და შენი სიყვარული აუცილებლად გაიმარჯვებს“, „ჩემი პირადი მზე“. როგორც ცნობილია, ხათუნას რამდენიმე თვის წინ მძიმე დაავადება, სიმსივნე დაუდგინდა და მან მკურნალობის ხანგრძლივი პერიოდი გაიარა: „დაავადებასთან ბრძოლაში მნიშვნელოვანია შინაგანი 

განწყობა და რწმენა, რომ შენ მას ნამდვილად მოერევი. ძალიან მნიშვნელოვანია ამ დროს ოჯახის წევრებისა და მეგობრების დახმარებაც. რა თქმა უნდა, ჩემს ცხოვრებაშიც იყო მძიმე ეტაპები, როდესაც დეპრესიაში ვიყავი - ამბობდა ის ერთ-ერთ ინტერვიუში.

თავად ხათუნა სოციალურ ქსელში ფოტოებს ხშრად აქვეყნებს და მეგობრებს საკუთარი ჯანმრთელობის მდგომარეობის შესახებ სიახლეებსაც უზიარებს. მან საკუთარ „ინსტაგრამ გვერდზე“ თურქეთის ერთ-ერთი საავადმყოფოს ფოტოც გააზიარა: „გავდიოდი მკურნალობის კურსს და ახლა ველოდები ამ მკურნალობის შედეგებს… ეს არის დაავადება, რომელიც მაშინ წაგაქცევს, თუ შენ ემოციურად ვერ გაუმკლავდები” - ამბობდა ხათუნა.