სალომე ზურაბიშვილმა ვაკის პარკში უცნობი ჯარისკაცის მემორიალი ყვავილებით შეამკო

Image

საქართველოს პრეზიდენტმა, სალომე ზურაბიშვილმა ფაშიზმზე გამარჯვების დღესთან დაკავშირებით ვაკის პარკში უცნობი ჯარისკაცის მემორიალი ყვავილებით შეამკო და მეორე მსოფლიო ომში დაღუპულთა ხსოვნას პატივი მიაგო. მეორე მსოფლიო ომის დასრულებიდან 75 წლისთავთან და ევროკავშირის იდეის დაბადებიდან 70 წლისთავთან დაკავშირებით დღეს საქართველოს პრეზიდენტმა მიმართვა გაავრცელა.

 

„დღევანდელი დღე – 9 მაისი ორმაგად მნიშვნელოვანია საქართველოსათვის.

75 წელი გავიდა მეორე მსოფლიო ომის დასრულებიდან, 70 წელი კი – ევროპული ოჯახის – ევროკავშირის იდეის დაბადებიდან.

პირველ რიგში, მინდა, მეორე მსოფლიო ომის მონაწილე ჩვენს ვეტერანებს მივულოცო ეს თარიღი, გამოვხატო მადლიერება მათ მიმართ და ვუსურვო დღეგრძელობა და მხნეობა.

სწორედ მეორე მსოფლიო ომის შემდეგ ჩაეყარა საფუძველი მშვიდობისა და კეთილდღეობისთვის თანამშრომლობისა და სოლიდარობის სრულიად ახალ ფორმატს ევროპაში – ევროკავშირს. ევროკავშირის იდეა იმ გამანადგურებელი ომის ფონზე წარმოიშვა. მთელი ამ წლების განმავლობაში ევროპის ქვეყნები ერთად იღვწიან ადამიანის უსაფრთხოებისა და კეთილდღეობისთვის.

საქართველო კი, თავისი ღირებულებებით, ჭეშმარიტად ევროპული კულტურით, საკუთარი მიღწევებით ევროპული ოჯახისკენ დამაჯერებელ და შეუქცევად ნაბიჯებს დგამს.

აუცილებლად უნდა აღვნიშნო, რომ დღეს, როცა მთელი მსოფლიო უდიდეს გამოწვევასთან ბრძოლაშია ჩართული, ევროკავშირი კვლავ ჩვენ გვერდითაა. მან უკვე გამოყო ფინანსური დახმარება ჩვენი ანტიკრიზისული გეგმის განსახორციელებლად. კრიზისმა კიდევ უფრო გააძლიერა ქართველი ხალხის მისწრაფება თავის ევროპულ ოჯახში სრულფასოვნად დაბრუნებისკენ.

ამ დღეებში მე ვესაუბრე ევროპის თითქმის ყველა ქვეყნის პრეზიდენტს, ევროკავშირის საბჭოს თავმჯდომარეს; ხაზი გავუსვი, რომ მნიშვნელოვანია, ევროკავშირთან პოსტკრიზისული გეგმების დასახვაში სრულფასოვნად ვიყოთ ჩაბმული – იმიტომ, რომ ხვალინდელ მსოფლიოში გამოსავალი საკუთარ სივრცეში ჩაკეტვა კი არა, მოკავშირეებთან ურთიერთობის გაძლიერება იქნება, მეტი სოლიდარობა.

საქართველოც და ევროკავშირიც მზად არიან თანამშრომლობის კიდევ უფრო გაღრმავებისთვის. დარწმუნებული ვარ, რომ სოლიდარობით კვლავ გავაძლიერებთ ერთმანეთს და კრიზისიდან ღირსეულად გამოვალთ“

რედაქტორის რჩევით

მოხსნილი შეზღუდვების სრული სია

2021-02-24 14:57
კორონავისურის გავრცელების პრევენციის მიზნით შექმნილმა საკოორდინაციო საბჭომ დღევანდელ სხდომაზე,...

ნიკა მელია დააკავეს

2021-02-23 18:03
სპეციალური დანიშნულების რაზმმა „ნაციონალური მოძრაობის“ თავმჯდომარე ნიკა მელია დააკავა. ...

გვენ სტეფანი ჟურნალის Wonderland-ის გარეკანს ამშვენებს

2021-02-22 19:04
51 წლის მომღერალი გვენ სტეფანი დიდი პოპულარობის მიუხედავად სოციალურ ქსელში აქტიურობით არ...

დღის ფოტო - გიორგი გახარია

2021-02-19 18:18
ასე დაემშვიდობა ყოფილი პრემიერ მინისტრი გიორგი გახარია კანცელარიის თანამშრომლებს 
რჩეული ვიდეოები

კიევის ნაციონალური აკადემიური ოპერეტის თეატრის მომღერლებმა კარატინში „სულიკო“ იმღერეს(ვიდეო)

2020-04-11 17:25
კიევის ნაციონალური აკადემიური ოპერეტის თეატრის მომღერლებმა კარატინში „სულიკო“ იმღერეს.

BBC-ნიუ-იორკში, სავარაუდოდ, კორონავირუსით გარდაცვლილ ადამიანებს დიდ ორმოებში მასობრივად მარხავენ. ვიდეო

2020-04-10 15:44
ნიუ-იორკი კორონავირუსით გარდაცვლილთა რიცხვის ზრდის პარალელურად, მასობრივ საფლავებს იყენებს....

ხანძარი გემზე - ქართველმა მეზღვაურებმა ეკიპაჟის 12 წევრი გადაარჩინეს(ვიდეო)

2020-04-09 12:47
 ქართველმა მეზღვაურებმა ეკიპაჟის 12 წევრი გადაარჩინეს-ხომალდზე ხანძარი წუხელ გაჩნდა. სამაშველო...

„დარჩი სახლში“ - მასტერი ახალ კლიპში საზოგადოებას სახლში დარჩენისკენ მოუწოდებს

2020-04-09 11:37
თვითიზოლაციის პერიოდს, ქართველი მუსიკოსი, მასტერი საკმაოდ ნაყოფიერად იყენებს. სულ ცოტა ხნის წინ,...

გამოკითხვა

უნდა გაუქმდეს თუ არა ე.წ. კომენდანტის საათი?


ვალუტა

1
EUR
 - 
4.0680
0.0325
100
RUB
 - 
4.5218
0.0153
1
USD
 - 
3.3265
0.0067