ინტერპრელაციის წესით პარლამენტში არ მოსვლის შემთხვევაში, გიორგი გახარია გაჭირვებულ მოსახლეობას ეტყვის, რომ მას არ აინტერესებს მათი გაჭირვება და არმოსვლის შემთხვევაში, გახარია იტყვის, რომ „ქართულ ოცნებას“ ეკონომიკური აპარტეიდის გარდა, სადაც მხოლოდ მათი პრივილეგირებულთა კასტა სარგებლობს იმ ვალით, რომელიც ჩვენმა შვილებმა და მათმა შვილებმა უნდა იხადონ, მათ სიღარიბის დაძლევის გეგმა არ გააჩნიათ, - ამის შესახებ „ნაციონალური მოძრაობის“ წევრმა თინა ბოკუჩავამ პარლამენტში გამართულ ბრიფინგზე განაცხადა. მისი თქმით, იმ შემთხვევაში, თუ ინტერპელაციის წესით დაბარების მიუხედავად, პრემიერ-მინისტრი პარლამენტში არ წარდგება, ის კონსტიტუციას დაარღვევს.

„Covid19-ით გამოწვეული ეკონომიკური კრიზისიდან გამომდინარე, საქართველოში უკიდურესი სიღარიბე, სამწუხაროდ, კიდევ უფრო გაიზრდება. ე.წ. დახმარების პაკეტიდან, რომელიც სინამდვილეში პარტაქტივის დაფინანსების და მათთან აფილირებულ ბიზნესებში შერჩევითად ფულის ჩასხმის სქემაა, დღემდე რატომ 1 თეთრი არ მისულა საქართველოს მოქალაქემდე. ამ ე. წ. გეგმაში რატომ არ არის არეცერთი თეთრი გათვალისწინებული პენსიონერებზე, რომელიც ყველაზე მოწყვლადი ჯგუფია ამ პანდემიის დროს? რატომ არცერთი თეთრი არ არის გათვალისწინებული 600 000 თვითდასაქმებულზე, ან 165 000 სოციალურად დაუცველზე, ან 100 000-მდე შშმ პირზე, ან დევნილებზე? ამ პარლამენტში ულუკმაპუროდ სახლში დარჩენილი ადამიანების ხმა არ ისმის. ეს პარლამენტი იზოლაციაში მყოფმა ივანიშვილმა, პრაქტიკულად, გააუქმა. იმისთვის, რომ ჩვენ სახლში დარჩენილი გაჭირვებული ადამიანების ხმა გიორგი გახარიას გავაგონოთ, „ერთიანი ნაციონალური მოძრაობა“ საქართველოს პარლამენტის რეგლამენტის გათვალისწინებით, მას პარლამენტში ინტერპელაციის წესით იბარებს. გახსოვთ, რომ ორჯერ, როდესაც საგანგებო მდგომარეობა გამოცხადდა, გიორგი გახარია პარლამენტში არ მობრძანდა, მან გამოაგზავნა საკუთარი წარმომადგენელი. ამჯერად მას კონსტიტუცია ავალდებულებს პარლამენტში მობრძანებას და იმ შეკითხვებზე პასუხის პირადად გაცემას, რომელიც ჩვენ ჩამოვთვალეთ. არ მოსვლის შემთხვევაში, გიორგი გახარია კიდევ ერთხელ დაარღვევს საქართველოს კონსტიტუციას, არ მოსვლის შემთხვევაში, გიორგი გახარია გაჭირვებულ მოსახლეობას ეტყვის, რომ მას არ აინტერესებს მათი გაჭირვება და არმოსვლის შემთხვევაში გახარია იტყვის, რომ „ქართულ ოცნებას“ ეკონომიკური აპარტეიდის გარდა, სადაც მხოლოდ მათი პრივილეგირებულთა კასტა სარგებლობს იმ ვალით, რომელიც ჩვენმა შვილებმა და მათმა შვილებმა უნდა იხადონ, მათ სიღარიბის დაძლევის გეგმა არ გააჩნიათ,“ - განაცხადა თინა ბოკუჩავამ.