2020-04-25 11:56

აჭარაში კორონავირუსის ერთი ახალი შემთხვევა გამოვლინდა. ახალგაზრდა ქალს თურქეთში მოგზაურობის ისტორია აქვს,- ამის შესახებ აჭარის ჯანდაცვის მინისტრის მოადგილემ, ნინო ნიჟარაძემ ჟურნალისტებს განუცხადა.

მისი ინფორმაციით, ინფიცირებული სამი დღის განმავლობაში საკარანტინო სივრცეში იყო მოთავსებული და სხვა პირებთან კონტაქტი არ ჰქონია.

ნინო ნიჟარაძის ინფორმაციით, აჭარაში სულ კორონავირუსის დადასტურებული 37 შემთხვევაა.

მისივე თქმით, გუშინ 250 პირს ლაბორატორიული კვლევა ჩაუტარდა, მათ შორის სამედიცინო სფეროს წარმომადგენლები იყვნენ, ყველას უარყოფითი პასუხი დაუფიქსირდა.

„ორი გამოჯანმრთელებული პაციენტი გვყავს, ამ ეტაპზე ლაბორატორიულად დადასტურებული 37 შემთხვევაა. 37 დადასტურებულის შემთხვევის მდგომარეობა უცვლელია, ყველა გახლავთ მსუბუქი მიმდინარეობით და ერთი გვრჩება, სტაბილურად მძიმე მდგომარეობაში.

ე.წ. ქობულეთის კლასტერში 35 დადასტურებული შემთხვევა გვაქვს და მის ირგვლივ კონტაქტების რაოდენობა 550-მდეა, რომელთა შორის 400 ლაბორატორიულად დიაგნოსტირებულია“, - განაცხადა ნიჟარაძემ.