2020-04-24 16:44

ჩეხეთი საკუთარი მოქალაქეებისთვის საზღვრებს ხსნის. ქვეყანა ევროკავშირის პირველი წევრია, რომელმაც კორონავირუსის პანდემიის ფონზე საზღვრები გახსნა. გადაწყვეტილება ქვეყნის ჯანდაცვის მინისტრმა ადამ ვოჟტეჩმა გაახმოვანა.

„იმ პირებმა, ვინც ქვეყანაში ჩამოვლენ, ან უნდა წარადგინონ კორონავისუსზე აღებული ანალიზის ნეგატიური შედეგები ან 14 დღის მანძილზე საკარანტინო ზონაში უნდა გადაინაცვლონ“,-განაცხადა მინისტრმა.

მედიის ინფორმაციით, აღნიშნული გადაწყვეტილება შეეხება იმ პირებს, რომლებიც ჩეხეთში ცხოვრობენ, თუმცა სხვა ქვეყანაში მუშაობენ. ცნობისთვის, ჩეხეთმა საზღვრები 16 მარტს ჩაკეტა. ბოლო დღეების მანძილზე ქვეყანაში კორონავირუსის ახალმა შემთხვევებმა იკლო. კორონავირუსის დადასტურებული შემთხვევები ქვეყანაში 7188-ს შეადგენს, ხოლო ვირუსს 213 ადამიანის სიცოცხლე ემსხვერპლა.