2020-04-23 12:58

გერმანიის კანცლერმა, ანგელა მერკელმა ბუნდესტაგში კორონავირუსის პანდემიაზე საუბრის დროს განაცხადა, რომ ეს მეორე მსოფლიო ომის შემდეგ ხალხისთვის ყველაზე დიდი გამოწვევაა.

მისი თქმით, „მაქსიმალური დისციპლინით, ქვეყანა შეძლებს ნორმალურ ცხოვრებას უფრო სწრაფად დაუბრუნდეს“.

„კითხვა, თუ როგორ უნდა ავიცილოთ თავიდან ჩვენი ჯანდაცვის სისტემის გადატვირთვა და უამრავი ადამიანის გარდაცვალება, კიდევ დიდხანს იქნება მთავარი საკითხი გერმანული და ევროპული პოლიტიკისთვის“,- აღნიშნა მერკელმა.

მისი თქმით, ქვეყანა პანდემიასთან ბრძოლის ფინალურ ეტაპზე არ დგას.

„ჩვენ მხოლოდ დასაწყისში ვართ“,-განაცხადა მერკელმა.

ცნობისთვის, საერთო ჯამში, გერმანიაში კორონავირუსის 150666 შემთხვევაა გამოვლენილი. ქვეყანაში ვირუსს 5315 ადამიანის სიცოცხლე ემსხვერპლა.