2020-04-22 17:13

კორონავირუსის მეორე ტალღა, შესაძლოა, კიდევ უფრო გამანადგურებელი იყოს, - ამის შესახებ აშშ-ის დაავადებათა კონტროლის და პრევენციის ცენტრების დირექტორმა, რობერტ რედფილდმა განაცხადა.

„შესაძლებელია მომავალ ზამთარს უფრო მეტი სირთულე გვქონდეს, ვიდრე ის, რაც უკვე გავიარეთ. ჩვენ გრიპის და კორონავირუსის ეპიდემიასთან ერთად მოგვიწევს ბრძოლა. თუ ეს ორივე ვირუსის ერთობლივად განიცდის პიკურ მაჩვენებლებს, ჩვენ ნამდვილად, ნამდვილად, ძალიან გაგვიჭირდება“, - აღნიშნა რედფილდმა „ვაშინგტონ პოსტთან“ საუბრის დროს.

ცნობისთვის, აშშ-ში კორონავირუსის შემთხვევებმა 800 000-ს გადააჭარბა. ქვეყანაში ვირუსს 45000-ზე მეტი ადამიანის სიცოცხლე ემსხვერპლა.