2020-04-21 12:14

ანაკლია-განმუხურის საკარანტინო სივრცეში ამ დროისთვის 36 პირია, ხოლო ფოთის ტირ - პარკში ტრაილერის 72 მძღოლი იმყოფება.

ფოთის ტირ-პარკში მყოფები ის მძღოლები არიან, რომლებმაც საქართველოს საზღვარი გადმოკვეთეს. ისინი კარანტინის პერიოდს ფოთის ტირ- პარკში გაატარებენ, რომელიც ყოფილი აეროდრომის ტერიტორიაზე ქართული გადამზიდავი კომპანიების მძღოლებისთვის ეკონომიკის სამინისტრომ მოაწყო და 14 აპრილს გახსნა.

როგორც „აფხაზეთის ხმას“ სამეგრელო-ზემო სვანეთში სახელმწიფო რწმუნებულ-გუბერნატორის ადმინისტრაციიდან აცნობეს, გუშინ ლაბორატორიაში გაგზავნილ 16 ნიმუშზე უარყოფითი პასუხები მიიღეს.

„ანაკლია-განმუხურის საკარანტინო სივრცეში ამ დროითვის გვყავს 36 პირი, გარდა ამისა, ფოთის ტირ პარკში 72 მძღოლი იმყოფება. რაც შეეხება თვითიზოლაციას რეგიონში, ამ დროის მონაცემებით, 174 პირია თვითიზოლაციაში. თვითიზოლაცია მოეხსნა 837 მოქალაქეს. გუშინ გაგზავნილი 16-ვე ანალიზის პასუხი უარყოფითია“, - აღნიშნულია გავრცელებულ ინფორმაციაში.