2020-04-16 16:08

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით საქართველოში კორონავირუსით ინფიცირებულია 16 მედიკოსი.

“ჩვენთან უკვე გვყავს დილის რიცხვით 16 დაინფიცირებული სამედიცინო მუშაკი. მათ შორის, ერთ-ერთი ყველაზე კრიტიკულად აუცილებელი კლინიკიდან, არ ვასახელებ. ეს ადამიანები რომ ინფიცირდებიან, ვეღარ მუშაობენ მერე 3-4 კვირა. ეს კადრი, რომელიც კრიტიკულად მნიშვნელოვანია, ინტენსიური თერაპიის, რეანიმაციის ექიმები – ისინი თუ ჩვენ „ჩაგვიწვნენ“, ბოდიში ამ ტერმინისთვის, მერე ვინ უნდა მოუაროს ამ ხალხს? რაც ნაკლები გადამდები იქნება ქვეყანაში და ინფექციის გამავრცელებელი, ჯანდაცვის სიტემა იქნება უფრო ძლიერი.“ – განაცხადა „რუსთავი 2-ის“ ეთერში ამირან გამყრელიძემ.