2020-04-16 15:25

ჩინეთის საგარეო უწყების ინფორმაციით, არ არსებობს მტკიცებულება COVID 19-ის ჩინურ ლაბორატორიაში წარმოშობის - წერს CNN-ი.

 „ჩვენ მივიჩნევთ, რომ ეს სამეცნიერო საკითხია, რომელიც მეცნიერებმა და სამედიცინო ექსპერტებმა უნდა შეისწავლონ.  ასევე, მინდა საზოგადოებას შევახსენო რომ ჯანდაცვის მსოფლიო ორგანიზაციის განცხადებთ, არ არსებობს იმის მტკიცებულება, რომ ვირუსი ლაბორატორიაში შეიქმნა.

ინფექციური დაავადება კაცობრიობის გავრცელებული მტერია და საერთაშორისო საზოგადოებას მისი დამარცხება რაციონალური პასუხით შეუძლია. ჩინეთი განაგრძობს სხვა ქვეყნებთან თანამშრომლობას“,- განაცხადა ჩინეთის საგარეო უწყების ოფიციალურმა წარმომადგენელმა.

შეგახსენებთ, რომ FOX NEWS-ი ავრცელებს ინფორმაციას, თითქოსდა კორონავირუსი წარმოიქმნა უხანის ლაბორატორიაში არა როგორც ბიოიარაღი, არამედ როგორც ჩინეთის ძალისხმევა, მოეხდინათ ვირუსის იდენტიფიცირება და გამოეკვლიათ იგი იმაზე უკეთ, ვიდრე ამერიკის შეერთებული შტატების ლაბორატორიებში იკვლევენ სხვადასხვა სახის ვირუსებსა და დაავადებებს.