2020-04-16 13:52

FOX NEWS-ი ავრცელებს ინფორმაციას, რომ კორონავირუსი წარმოიქმნა უხანის ლაბორატორიაში არა როგორც ბიოიარაღი, არამედ როგორც ჩინეთის ძალისხმევა, მოეხდინათ ვირუსის იდენტიფიცირება და გამოეკვლიათ იგი იმაზე უკეთ, ვიდრე ამერიკის შეერთებული შტატების ლაბორატორიებში იკვლევენ სხვადასხვა სახის ვირუსებსა და დაავადებებს.

სტატიაში აღნიშნულია, რომ ერთ-ერთი წყაროს დაყრდნობით, არსებობს ინფორმაცია, რომ თავდაპირველი გადაცემა ვირუსისა მოხდა უხანის ლაბორატორიაში მომუშავე ადამიანზე ღამურიდან. აღნიშნული მოვლენის შემდეგ კი ინფიცირებული მედიცინის მუშაკმა, დაავადება მოსახლეობაში გაავრცელა.

ამერიკული მედიის ინფორმაციით კი,  ექიმებისა და მედპერსონალის მცდელობა იყო შეეკავებინათ ვირუსის გავრცელება უშუალოდ ლაბორატორიაში, თუმცა უშედეგო აღმოჩნდა.

სტატიაში აგრეთვე აღნიშნულია, რომ 2018 წლის იანვარში ამერიკის საელჩოს თანამშრომლები ჩინეთში საუბრობდნენ არაშესაბამის უსაფრთხოების ღონისძიებებზე უხანის ინსტიტუტის ვირუსოლოგიის ლაბორატორიაში, რომლის შესახებაც გავრცელდა ინფორმაცია, რომ მეცნიერები ატარებდნენ ძალზე რისკის შემცველ გამოკვლევებს ვირუსით ინფიცირებულ ღამურებზე.