2020-04-16 13:39

დიდ ბრიტანეთში კორონავირუსს ფეხმძიმე ექთანი ემსხვერპლა, თუმცა მისი შვილის გადარჩენა მოხერხდა. 

28 წლის მერი აგიიევა აგიაფონგს ვირუსი 5 აპრილს დაუდგინდა და მისი მდგომარეობა მალევე დამძიმდა.

„მერი ჩვენთან 5 წელიწადი მუშაობდა და ჩვენი გუნდის საყვარელი წევრი იყო. ის არაჩვეულებრივი ექთანი გახლდათ. მთელი გულით ვუთანაგრძნობთ მერის მეგობრებსა და ოჯახის წევრებს“, - აღნიშნა იმ კლინიკის ხელმძღვანელმა, სადაც ექთანი მუშაობდა.

ცნობისთვის, გაერთიანებულ სამეფოში კორონავირუსის 98476 შემთხვევაა დადასტურებული. ვირუსს ქვეყანაში 12868 ადამიანი ემსხვერპლა.