თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის თქმით, მოსახლეობამ სოციალური დისტანცირება უნდა მოახერხოს, რათა, სხვა ქვეყნების მსგავსად, მდგომარეობა არ გართულდეს.
„ამ ვირუსის შესახებ არც მე ვიცი ბოლომდე და არც რომელიმე წამყვანმა ინფექციონისტმა, არათუ ჩვენს ქვეყანაში, არამედ მსოფლიოს წამყვან სამეცნიერო ცენტრებში. ერთადერთი, რაც ვიცით ისაა, რომ აუცილებლად უნდა მოვახერხოთ ფიზიკური დისტანცია, რომ დროში გაიჭიმოს, არ დავსნებოვდეთ და არ წამოგვივიდეს ის გართულებები, რაც მსოფლიოს სხვა ქვეყნებშია. ამ ეტაპისთვის დაიჭირა ჩვენმა ქვეყანამ მდგომარეობა, მაგრამ თუ ასე გავაგძელებთ „ღლიცინს“, რასაც ჩვენი ქვეყნის მოსახლეობის უმეტესობა აკეთებს, ამას ქართველი ექიმები ნამდვილათ ვერ აუვალთ. დადგება მომენტი, რომ ქვეყანას ექიმი არ ეყოლება. იტალიაში რაც ხდება, გამოიწვია ღლიცინმა, როგორც ერთი, ასევე მეორე მხრივ და ნუ გავაკეთებთ იგივეს. მხოლოდ სამი გარდაცვლილი გვყავს და ნუ მივუმატებთ ნულებს. ჩვენც ნუ დაგვხოცავთ. ეს რესურსიც ამოგვეწურება და დავრჩებით ყველა ჰაერში“,- განაცხადა რატიანმა.
